Um Marinó
Marinó er einföld, einlit barnapeysa með laskaúrtöku. Peysan er prjónuð neðan frá og upp í hring með einum þræði af Mitu frá Rauma eða Mosa mjúkull frá Gústu. Báðar garntegundir gefa peysunni mikinn sveigjanleika. Við handveg eru lykkjur af ermum og bol sameinaðar á einn hringprjón og axlarstykkið prjónað áfram í hring með laskaúrtöku.
Stærðir og mál
Stærðir: 1 – 2 – 3 – 4 – 5 – 6 ára
Yfirvídd: 57 – 61 – 65 – 69 – 72 – 74 cm
Lengd á bol: 20 – 22 – 24 – 26 – 28 – 30 cm
Ermalengd: 22 – 24 – 26 – 28 – 30 – 32 cm
Efni og garn
Brún peysa: Mitu frá Rauma.
Bleik peysa: Mosa mjúkull frá Gústu.
Peysan er prjónuð með einum þræði af garninu.
Prjónfesta
10 × 10 cm = 19 lykkjur og 26 umferðir á prjóna nr. 4,5.
